ईडीचे सत्र सुरू ; 'या' नेत्याच्या घरी पोहोचले अधिकारी

नवी दिल्ली : तब्बल ५ हजार कोटी रुपयांचा आर्थिक गैरव्यवहार झाल्याची माहिती समोर आली आहे. याप्रकरणी काँग्रेसचे ज्येष्ठ नेते अहमद पटेल यांच्या घरी सक्तवसुली संचालनालयाकडून चौकशी सुरू आहे. सोनिया गांधी यांचे राजकीय सल्लागार म्हणूनही अहमद पटेल यांची ओळख आहे. आता त्यांचे नाव आर्थिक गैरव्यवहार प्रकरणाच्या चौकशीसाठी घेतले गेले आहे. संदेसरा ब्रदर्सचे आर्थिक गैरव्यवहार प्रकरण समोर आले होते. यामध्ये जवळपास ५ हजार कोटींचा आर्थिक गैरव्यवहार झाल्याचे समोर आले. त्यानुसार आता त्यासंबंधी अहमद पटेल यांची चौकशी करण्यासाठी ईडीचे पथक त्यांच्या निवासस्थानी पोहोचले आहे. अहमद पटेल यांना चौकशीसाठी ईडीकडून दोनदा समन्स बजावण्यात आले होते. मात्र, त्यांचे वय जास्त असल्याने घरी राहण्याच्या सूचनेमुळे ते घरीच होते. अहमद पटेल हे स्वत: ईडी कार्यालयात चौकशीसाठी येऊ शकत नसल्याने ईडीचे अधिकारी त्यांच्या घरी येणार होते. त्याबाबतची कल्पनाही अहमद पटेल यांना देण्यात आली होती. त्यानंतर आता हे पथक पटेल यांच्या घरी आले आहे.